Igisirikare kiramaganwa muri Burkina

Blaise Compaore yahungiye muri Cote d'ivoire Uwufise ububasha kw’isanamu AFP
Image caption Blaise Compaore yahungiye muri Cote d'ivoire.

Amashyaka atavuga rumwe na leta n’imiryango itegamiye kuri leta muri Burkina Faso yasabye abaturage gukora imyigaragambyo yamagana igisirikare nyuma yaho gifatiye ubutegetsi Perezida Blaise Compaore amaze kwegura.

Aya mashyaka n’iyi miryango aravuga ko ubuyobozi bw’igihugu ari ubw’abaturage bityo rero ngo ntabwo igisirikare cyagombye kubutwara ku ngufu.

Intumwa ya ONU muri Afurika y'uburengerazuba - Mohamed Ibn Chambas - yavuze ko igisirikare gishobora gufatirwa ibihano nikiramuka kidasubije ubutegetsi abasivile.

Ibi bitangajwe nyuma yaho Lt-Col Isaac Zida – wari wungirije umukuru w’abasirikare barinda umukuru w’igihugu – ahiswemo n’igisirikare kugirango ayoboye ubutegetsi bw’inzibacyuho.

Uwari umukuru w’icyo gihugu Blaise Compaore yahungiye mu mujyi wa Yamoussoukro wo muri Cote d’ivoire.

Yeguye kubera imyigaragambyo y'abaturage bamusabaga kudahindura itegeko nshinga kugirango yongere kwiyamamaza.

Yari amaze ku butegetsi imyaka 27.

Hakurikijwe itegeko nshinga, ubundi umukuru wa Sena niwe usimbura umukuru w’igihugu iyo yeguye; amatora y’umukuru w’igihugu nayo akaba mu minsi iri hagati ya 60 na 90.