Imirwano yongeye kubura muri Sudani yepfo

Imirwano yavanye mu byabo abantu hafi miliyoni ebyiri Uwufise ububasha kw’isanamu AFP
Image caption Imirwano yavanye mu byabo abantu hafi miliyoni ebyiri

Imirwano yongeye kubura muri Sudani yepfo nyuma y'iminsi mike impande zihanganye ziyemeje guhagarika intambara imaze hafi umwaka.

Leta n'inyeshyamba ziyirwanya baritana bamwana ku birebana n'uwashoze iyi mirwano.

Mu cyumweru gishize, Perezida Salva Kiir n'umukuru w'inyeshyamba Riek Machar biyemeje kubahiriza amasezerano yo guhagarika imirwano nyuma y'iminsi ibiri y'ibiganiro byaberaga mu murwa mukuru wa Ethiopia, Addis Abbeba.

Umuhuza muri ibyo biganiro - ariwe umuryango wa IGAD - yaburiye impande zombi ko zishobora gufatirwa ibihano birimo kutemererwa kugura intwaro no kubuzwa gutembera.

Abantu hafi miliyoni ebyiri bataye amago yabo mu gihe abandi babarirwa mu bihumbi bishwe kuva aho intambara itangiriye mu kwezi kwa cumi na biri k'umwaka ushize.