Guinee Equatoriale niyo izakira imikino y'igikombe cya Afurika

CAF ivuga ko itariki iyo mikino izaberaho itazahinduka Uwufise ububasha kw’isanamu Getty
Image caption Maroc yanze kwakira iyo mikino kubera gutinya Ebola.

Impuzamashyirahamwe y'umupira w'amaguru -CAF- yatangaje ko imikino ya nyuma y'igikombe cya Afurika 2015 izabera muri Guinee Equatoriale. .

Ibi bitangajwe nyuma yaho igihugu cya Maroc cyanze kwakira imikino ya nyuma y'igikombe cya Afurika cy'ibihugu yari iteganijwe kuhabera mu ntangiriro z'umwaka utaha.

Ikipe y'igihugu cya Maroc yanahanishijwe kutazakina muri iryo rushanwa.

Abategetsi ba Maroc bavuze ko batiteguye kwakira iyo mikino nkuko bari babyiyemeje kubera ko bafite impugenge batewe n'indwara ya Ebola.

Maroc yari ifite impungenge ko abafana b'amakipe yo mu bihugu byo muri Afurika y'uburengerazuba bivugwamo indwara ya Ebola bashobora kuyinjiza muri Maroc.

Bityo isaba ko itariki y'iyo mikino yakwigizwa inyuma.

Ariko CAF yari yavuze ko itariki iyi mikino iteganirijwe kuberaho hagati y'itariki ya 17 z'ukwa mbere n'iya 8 z'ukwa kabiri mu mwaka utaha itazahinduka.