Inama ya G20 muri Australia

Minisitiri w'intebe wa Australia Tony Abbot yavuze ko iyi nama iziga ku bukungu bw'isi Uwufise ububasha kw’isanamu AFP
Image caption Minisitiri w'intebe wa Australia Tony Abbot yavuze ko iyi nama iziga ku bukungu bw'isi.

Abakuru ba za leta n'ibihugu bigize umuryango wa G20 batangiye kugera i Brisbane muri Australia ahateganijwe kubera inama y'uwo muryango.

Mu bazitabira iyi nama y'iminsi ibiri harimo abakuru b'ibihugu by'Ubushinwa, Leta zunze ubumwe za Amerika n'Uburusiya.

Ikizibandwaho cyane muri iyi nama n'ukwigira hamwe ukuntu ubukungu bwakwiyongera.

Minisitiri w'intebe wa Australia , Tony Abbot, yavuze ko baziga ku guhanga imirimo, kurwanya abatishyura imisoro no guha ingufu ubukungu bw'isi.

Ibihugu bigize umuryango wa G20 byose hamwe bituwe na 2/3 by'abatuye isi kandi 85% by'umutungo ibihugu byinjiza (GDP) na 75% by'ubucuruzi bw'isi niho bibarizwa.