Igice cy'inyuma cy'indege ya AirAsia cyabonetse

Iyo ndege yari ivuye muri Indonesia yerekeza muri Singapore Uwufise ububasha kw’isanamu Getty
Image caption Iyo ndege yari ivuye muri Indonesia yerekeza muri Singapore.

Abategetsi bo muri Indonesia baravuga ko babonye igice cy'inyuma cy'indege ya AirAsia QZ8501 mu nyanja ya Java.

Ibyo byatumye hiyongera ikizere cyo kubona agasanduku kajyamwo amakuru y'uko indege iguruka bita Black Box kaba kari muri icyo gice.

Iyo ndege yari itwaye abantu 162 yaburiwe irengero ku itariki ya 28 z'ukwezi gushize igihe yari mu nzira iva i Surabaya muri Indonesia yerekeza muri Singapore.

Kugeza ubungubu nta muntu wari uyirimo warokotse wigeze aboneka.

Hamaze kuvanwa mu mazi imirambo 40 gusa ariko abategetsi baratekereza ko imirambo myinshi iri mu gice kinini cy'iyo ndege kitari cyaboneka.

Igice cy'inyuma cy'iyo ndege yo mu bwoko bwa Airbus A320-200 cyabonwe n'itsinda ry'abatabazi barimo n'abazobereye mu kwibira mu mazi hifashishijwe kandi n'ibyuma byoherezwa hasi mu mazi.