Guinee Eq-Congo Braza ejo muri CAF

Uwufise ububasha kw’isanamu Getty
Image caption Ikibuga ca Malabo muri Guinee Equatoriale, kizoberamwo inkino

Amakipe yombi azajya mu kibuga atari benshi bayaha amahirwe yo kuba imwe muri yo yakwegukana iki gikombe.

Ku ruhande rwa Guinnea, yakiriye iyi mikino kubera gusa ko Marocco yahakanye kuyakira ivuga ko ifite impungenge z'indwara ya Ebola.

Iyi kipe ikunze kugaragaramo abakinyi benshi b'abanyamahanga yabonye umutoza hasigaye iminsi mike ngo iyi mikino itangire ibi na byo bikaba bitayongerera amahirwe.

Gusa kubera ko izaba ikinira ku butaka bwayo ishobora gushingira icyizere ku banyagihugu bashobora kuzaza kuyogeza ari benshi.

Ariko na none hari icyoba ko umubare w'abaza ku bibuga ushobora kutaba munini kubera ko igihe cyo kwitegura imikino cyabaye gito kandi umupira w'amaguru ukaba udasanzwe witabirwa cyane nk'uko bigaragara mu biondi bihugu.

Mu rwego rwo gushikariza abantu kwitabira imikino, ngo igiciro cyo kwinjiriza cyagizwe gito cyane ku buryo hari n'aho kitagera ku idolari rimwe.

Umukuru w'igihugu Teodoro Obiang Nguema ubwe yanaguze amatiki agera ku bihumbi 40- ngo ahabwe abafite amikoro make ndetse anahamagarira abandi bifite gukora nka we.

Ku ruhande rwa Congo-Brazaville ho ngo icyizere bagishingiye gusa ku burambe muri iyi mikino bw'umutoza Claude Le Roy.

Iyi izaba ari inshuro ya 8 atoza mu mikino ya nyuma y'iki gikombe ndetse yigeze no kugitwara mu mwaka wa 1988 ayoboye ikipe y'igihugu ya Cameroun.

Gusa na we afite imbogamizi, ngo mu bakinnyi yahagurukanye nta numwe wigeze akina mu mikino ya nyuma y'iki gikombe bivuze ko nta burambe bafite.

Gusa iri tsinda rya mbeer ni ryio risa n'iridakomeye kuko uretse ibi bihugu bibiri harimo na Burkina Faso ndetse na Gabon. Amahirwe menshi arahabwa igihugu cya Algeria.

Mu mikino y'igikombe cy'si giheruka yashoboye kugera muri 1/8 ndetse ubu ni yo kipe yam bere ku mugabane w'Africa ku rutonde rutangazwa na FIFA.

Gusa iri kumwe n'Africa y'Epfo ivuga ko yifuza kugitwara ku nshuro ya kabiri.

Mu itsinda rimwe kandi harimo Ghana imaze imyaka igera kuri 30 itegereje ndetse na Senegal yitwaye neza mu mikino y'amajonjora kandi ikaba itaregukana iki gikombe na rimwe.

Gusa si iri tsinda ryonyine rifite inyota yo kuvamo izatwara iki gikombe.

Cameroun igizwe n'abakinnyi bashya benshi yerekanye ko ikomeye mu mikino y'amajonjora.

Hari kandi na Cote d'Ivoire igite abakinyi bakaze nka Yaya Toure ndetse na Wilfried Bonny uherutse gusinyira ikipe ya Manchester City.

Gusa mu gihe imihigo ari yose ku bihugu bimwe,Nigeria yo nta mahirwe ifite yo kuba yagumana iki gikombe yari yatwaye umwaka ushize kuko itashoboye kubona itiki.

Misiri nay o iracyigaragura mi bibazo byakurikiye imvururu zahabaye, na nubu ntizagaragara muri Guinne Equatorial.