Umuvuduko wa Ebola ngo urasa n'ugabanuka

Ebola imaze guhitana abantu bagera ku bihumbi icyenda Uwufise ububasha kw’isanamu AP
Image caption Ebola imaze guhitana abantu bagera ku bihumbi icyenda.

Ishami rya ONU rishinzwe ubusima ku isi - OMS - riravuga ko umuvuduko w'icyorezo cya Ebola muri Afurika y'uburengerazuba usa nkaho urimo kugabanuka.

OMS iravuga ko mu cyumweru gishize cyose abantu bari munsi ya 150 aribo bagaragaje ibimenyetso by'iyo ndwara mu bihugu yiganjemo bya Liberia, Guinea na Sierra Leonne.

Muri Liberia ho ngo babonetse abantu 8 mu gihe mu kwezi kwa cyenda abanduraga iyo ndwara mu cyumweru barageraga kuri 500.

Leta ya Sierra Leonne yatangaje ko amashuri azongera gufungura imiryango mu kwezi kwa gatatu nyuma y'amezi 8 afunzwe muri gahunda yo kugerageza gukumira iyo ndwara.

Ebola imaze guhitana abantu hafi ibihumbi 9.