Obasanjo yamaganywe n'igisirikare cya Nigeria

Olusegun Obasanjo yigeze kuba jenerali mu ngabo za Nigeria Uwufise ububasha kw’isanamu AFP
Image caption Olusegun Obasanjo yigeze kuba jenerali mu ngabo za Nigeria.

Igisirikare cyo muri Nigeria cyamaganye Olusegun Obasanjo wigeze kuyobora icyo gihugu nyuma yaho avugiye ko isubikwa ry'amatora y'umukuru w'igihugu yari ateganijwe mu cyumweru gishize ari amayeri ya Perezida Goodluck Jonathan mu gukoresha igisirikare kugirango yongere igihe cye ku butegetsi.

Igisirikare cya Nigeria cyavuze ko Obasanjo - wakibanyemo umujenerali - yagikojeje isoni.

Olusegun Obasanjo yaciye ku mugaragaro ikarita ye y'umurwanashyaka w'ishyaka rya PDP ( People's Democtratic Party) riri ku butegetsi maze avuga ko arivuyemo.

Igisirikare cyo cyavuze ko yaryirukanywemo.

Amatora y'umukuru w'igihugu yimuriwe mu mpera z'ukwezi gutaha.