Abarwanyi ba Boko Haram barenga 300 ngo barishwe

Igisirikare cya Nigeria ku wa mbere kisubije umujyi wa Monguno Uwufise ububasha kw’isanamu GETTY
Image caption Igisirikare cya Nigeria ku wa mbere kisubije umujyi wa Monguno.

Igisirikare cya Nigeria kiravuga ko kishe abarwanyi b'umutwe wa Boko Haram barenga magana atatu igihe kisubizaga umujyi wa Monguno uri mu majyaruguru y'uburasirazuba bw'igihugu.

Umuvugizi w'igisirikare - Chris Olukolade - yavuze ko hari na bamwe mu barwanyi b'uwo mutwe ugendera ku matwara akaze y'idini ya Islamu batawe muri yombi.

Nta ruhande rudafite aho rubogamiye rwari rwemeza aya makuru.

Amakuru nkaya kandi ku barwanyi ba Boko Haram bishwe yigeze no gutangazwa na Niger, Chad na Cameroon, biri mu gikorwa gihuriwemo n'ibihugu byo mu karere kigamije kurwanya uyu mutwe.

Kuwa mbere, igisirikare cya Nigeria cyatangaje ko kisubije umujyi wa Monguno wari warigaruriwe n'umutwe wa Boko Haram mu kwezi gushize.