Chelsea yafatiye ibihano abafana 3 bashinjwa ivanguramoko

Byabaye mbere y'umukino Chelsea yakinnye na Paris St-Germain Uwufise ububasha kw’isanamu AFP
Image caption Byabaye mbere y'umukino Chelsea yakinnye na Paris St-Germain.

Ikipe y'umupira w'amaguru ya Chelsea yo mu Bwongereza yabaye ibujije abafana bayo batatu bashinjwa ivanguramoko kutagera ku kibuga cyayo.

Iki cyemezo Chelsea igifashe nyuma yaho habonekeye video yerekana abafana ba Chelsea babuza umugabo w'umwirabura kwinjira muri gari ya moshi barimo i Paris mu Bufaransa.

Umugabo w'umwirabura abafana b'ikipe y'umupira w'amaguru ya Chelsea babujije kwinjira muri gari ya moshi barimo i Paris mu Bufaransa baririmba ngo ni abantu bavangura amoko arifuza ko babihanirwa.

Uwo mugabo witwa Souleyamane S, yabwiye ikinyamakuru cyo mu Bufaransa Le Parisien ko afite umugambi wo kuregera igipolisi.

Amashusho ya video yabonetse ku wa kabiri yerekana uko byagenze yatumye abo bafana bamaganwa cyane.

Mu babamaganye harimo ikipe ya Chelsea, amashyirahamwe arwanya ivanguramoko yo mu Bwongereza no mu Bufaransa n'ishyirahamwe ry'umupira w'amaguru ku isi FIFA.

Ibyo byabaye ku wa kabiri ku mugoroba mbere y'umukino wahuje Chelsea n'ikipe ya Paris St-Germain yo mu Bufaransa mu irushanwa rya Champions league.