Al Shabaab yagabye igitero ku ihoteli

Umutwe wa Al Shabaab ukunze kugaba ibitero nk'ibi i Mogadishu Uwufise ububasha kw’isanamu Reuters
Image caption Umutwe wa Al Shabaab ukunze kugaba ibitero nk'ibi i Mogadishu.

Abantu benshi barimo abakozi bo hejuru ba leta baguye mu bitero bibiri abiyahuzi bagabye ku ihoteli iri mu murwa mukuru wa Somalia, Mogadishu.

Ababibonye biba baravuga ko abantu byibura 20 aribo bahasize ubuzima. Abaminisitiri babiri biravugwa ko bari mu bakomeretse.

Umutwe wa Al shabaab - ugendera ku matwara akaze y'idini ya Isilamu - wiyemereye ko ariwo wagabye ibyo bitero byabaye mu gihe habaga amasengesho yo kuwa gatanu.

Umunyamakuru wa BBC uri i Mogadishu aravuga ko umwiyahuzi umwe yiturikirijeho igisasu ari mu cyumba cy'amasengesho cyo muri iyo hoteli.

Undi mwiyahuzi we ngo yari mu modoka yari yahagaritse hanze y'iyo hoteli.

Umutwe wa Al Shabaab wabwiye BBC ko wagabye ibyo bitero kubera ko abategetsi bo muri leta ya Somalia ari abantu batacyemera imana.