Boko Haram ngo izaba yatsinzwe mu kwezi kumwe

Umutwe wa Boko Haram hari uturere ugenzura mu majyaruguru y'uburasirazuba bwa Nigeria Uwufise ububasha kw’isanamu AFP
Image caption Boko Haram hari uturere igenzura mu majyaruguru y'uburasirazuba bwa Nigeria.

Umukuru w'igihugu wa Nigeria, Goodluck Jonathan, yavuze ko yizeye ko intagondwa zigendera ku matwara akaze y'idini ya Isilamu zo mu mutwe wa Boko Haram zizaba zatsinzwe mu gihe cy'ukwezi kumwe.

Ibi Perezida Jonathan abitangaje mu gihe arimo kwiyamamariza gukomeza kuyobora Nigeria mu matora y'umukuru w'igihugu ateganijwe mu minsi umunani iri imbere.

Mu kiganiro yahaye BBC, Goodluck Jonathan yiyemereye ko inzego zishinzwe umutekano zagenze gahoro mu guhagarika ibitero bya Boko Haram mu majyaruguru y'uburasirazuba bw'igihugu aho abantu babarirwa mu bihumbi bishwe.

Yongeyeho ariko ko ibikoresho bishya bya gisirikare n'ubufatanye hagati y'ibihugu baturanye byatumye Boko Haram yirukanwa mu mirenge no mu mijyi yari yarigaruriye.