Ebola ngo izaba yarangiye mu kwa munani

Ebola imaze guhitana abantu barenga ibihumbi 10 Uwufise ububasha kw’isanamu EPA
Image caption Ebola imaze guhitana abantu barenga ibihumbi 10.

Umukuru w'itsinda rya ONU rikurikiranira hafi ikibazo cy'indwara ya Ebola yiyemereye ko hari amakosa yakozwe mu minsi ya mbere y'icyo cyorezo.

Yongeyeho ariko ko bishoboka ko mu kwezi kwa munani k'uyu mwaka ikibazo cya Ebola kizaba cyarangiye.

Ismael Ould Sheikh Ahmed yabwiye BBC ko kutamenya neza iby'iyo ndwara n'ibintu bimeze k'ubwirasi ku ruhande rw'umuryango mpuzamahanga byabangamiye cyane ingamba zafashwe rugikubita mu kurwanya iyo ndwara.

Ibi abitangaje hashije umwaka wuzuye icyorezo cya Ebola gitangiye.

Iyi ndwara imaze guhitana abantu barenga ibihumbi 10 - hafi ya bose bakaba biganje mu bihugu bya Guinee, Sierra Leone na Liberia.