Kenyatta yahagaritse ku kazi abaministri be 4

Kenyatta yategetse ko amapereza akorwa mu minsi 60. Uwufise ububasha kw’isanamu AFP
Image caption Kenyatta yategetse ko amapereza akorwa mu minsi 60.

Perezida wa Kenya - Uhuru Kenyatta - yahagaritse ku kazi bane mu baminisitiri be n'abandi bakozi ba leta bo mu rwego rwo hejuru 12 mu gihe hategerejwe ko hakorwa amaperereza ku byaha bya ruswa bavugwamo kugiramo uruhare.

Undi mu minisitiri wa gatanu we yeguye ku mirimo ye.

Abo bategetsi bavuzwe mu cyegeranyo cyashyizwe ahagaragara mu ntangiriro za kino cyumweru n'akanama gakurikiranira hafi ibibazo bya ruswa mu gihugu.

Iyo ruswa ivugwa muri za minisiteri yo gutwara abantu n'ibintu, iy'ingufu, iy'abakozi ba leta n'iy'ubuhinzi.

Perezida Kenyatta yahaye ako kanama iminsi 60 kugirango kabe karangije gukora iperereza.