Afurika yepfo yitabaje ingabo mu guhashya ibitero ku bimukira

Ministri w'ingabo ntiyavuze umubare w'abasirikare bagiye gufasha igipolisi. Uwufise ububasha kw’isanamu AFP
Image caption Ministri w'ingabo ntiyavuze umubare w'abasirikare bagiye gufasha igipolisi.

Leta ya Afurika yepfo yafashe icyemezo cyo kohereza igisirikare gufasha mu guhagarika ibitero byibasira abanyamahanga muri icyo gihugu bimaze guhitana abantu 7.

Ministri w'ingabo, Nosiviwe Mapisa-Ngqakula yavuze ko igipolisi aricyo cyasabye ko hoherezwa ingabo zo kugifasha.

Ntiyavuze ariko umubare w'abasirikare bazatangwa.

Bazoherezwa mu duce ibintu bimeze nabi kurusha ahandi turimo intara ya Kwa Zulu/ Natal na Gauteng.

Si ubwa mbere igisirikare kitabazwa mu guhosha ibikorwa by'urugomo.

Cyaritabajwe na none muri 2008 igihe habaga ibitero ku banyamahanga byahitanye abantu 63 ndetse n'igihe habaga imyigaragambyo yaguyemo abantu i Marikana muri 2012.

Leta ya Afurika yepfo yatangaje ko abanyamahanga 900 bamaze gusubira mu bihugu byabo ku bushake bwabo.

Igipolisi kiravuga ko ubu hari agahenge hirya no hino mu gihugu.