Morsi yakatiwe gufungwa imyaka 20

Haracyari izindi manza Mohammed Morsi aregwamo. Uwufise ububasha kw’isanamu AFP
Image caption Haracyari izindi manza Mohammed Morsi aregwamo.

Urukiko rwo mu Misiri rwakatiye Mohammed Morsi - wigeze kuyobora icyo gihugu - igihano cyo gufungwa imyaka 20 kubera urupfu rw'abantu bari mu myigaragambyo muri 2012.

Iki nicyo cyemezo cya mbere cy'ubucamanza gifashwe mu manza nyinshi Mohammed Morsi aregwamo.

Bwana Morsi yavanywe ku butegetsi n'igisirikare mu kwezi kwa 7 kwa 2013 nyuma y'imyigaragambyo y'imbaga y'abaturage yarwanyaga ubutegetsi bwe.

Guhera icyo gihe ubutegetsi bwahagaritse ishyaka rye rya Muslim Brotherhood kandi n'abayoboke baryo benshi batabwa muri yombi.

Morsi n'abandi bayobozi bakuru b'iryo shyaka bashinjwe icyaha cyo guhamagarira abayoboke babo kwica umunyamakuru n'abari bashyigikiye abatavuga rumwe na leta mu bikorwa byo gukozanyaho byabereye imbere y'ingoro y'umukuru w'igihugu mu mpera za 2012.