Abafana ba Liverpool basezeye kuri Steven Gerrard

Steven Gerrard yari amaze imyaka 17 muri Liverpool. Uwufise ububasha kw’isanamu AFP
Image caption Steven Gerrard yari amaze imyaka 17 muri Liverpool.

Gerrard - wari umaze imyaka 17 akinira Liverpool - yakinnye umukino we wanyuma ku kibuga cya Liverpool mu mukino wayihuje na Crystal Palace.

Uyu mukinnyi w'imyaka 34 y'amavuko agiye gukinira ikipe yo muri Leta zunze ubumwe za Amerika yitwa LA Galaxy.

Abafana ba Liverpool bari bateraniye ari benshi kuri sitade ya Anfield mbere yuko umukino utangira kugirango basezere kuri kapiteni w'icyamamare w'ikipe yabo.

Umukino urangiye, Gerrard yagiye aho abakinnyi bambarira maze ahita agaruka abafana barahuguruka bamuha amashyi menshi maze asuhuzwa na Gerard Houllier wigeze kuba umutoza wa Liverpool akaba ari nawe wamugize kapiteni w'iyo kipe.

Uwo mukino wa nyuma ya Steven Gerrard ku kibuga cya Liverpool ariko warangiye Crystal Palace ibatsinze 3-1.