Abantu byibura 9 bahitanywe n'umwiyahuzi muri Nigeria

Kugeza ubu ntabwo ingabo za leta zari zanesha burundu Boko Haram. Uwufise ububasha kw’isanamu Reuters
Image caption Kugeza ubu ntabwo ingabo za leta zari zanesha burundu Boko Haram.

Hari igisasu cyaturikiye ahantu hahagarara amabisi mu majyaruguru ya Nigeria maze abantu byibura 9 bahasiga ubuzima.

Icyo gitero cyabereye mu mujyi wa Damaturu (umurwa mukuru wa leta ya Yobe) biravugwa ko cyagabwe n'umwiyahuzi w'umugore.

Hari abandi bantu benshi bahakomerekeye.

Umutwe ugendera ku matwara akaze ya Boko Haram umaze igihe ugaba ibitero ku hantu hahagarara amabisi n'ahandi hateranira abantu benshi mu majyaruguru ya Nigeria.

Igisirikare cya Nigeria kiracyagerageza kuvana izo ntagondwa mu turere twa nyuma zikigenzura.