IS ngo yihisha mu bimukira baza i Burayi

Intagondwa za IS ngo zihisha mu mato ajyana abimukira. Uwufise ububasha kw’isanamu AFP
Image caption Intagondwa za IS ngo zihisha mu mato ajyana abimukira i Burayi.

Umujyanama wa leta ya Libya yabwiye BBC ko abarwanyi b'umutwe wa Leta ya Kiyisilamu (IS) barimo kwinjira mu burayi bihishe mu bimukira bahagera banyuze muri Mediterranee.

Abdul Basit Haroun yavuze ko abakora ubucuruzi bwo kwohereza abimukira i Burayi bahisha abo barwanyi mu mato atwara abo bimukira.

Abategetsi bo mu Butaliyani no mu Misiri bigeze kuburira abantu ko abarwanyi ba IS bashobora kugera mu Burayi bakoresheje amato azana abimukira.

Ariko abakurikiranira hafi uwo mutwe bavuga ko bikomeye kumenya neza niba ibyo bivugwa aribyo cyangwa se ataribyo.

Bwana Haroun we abyemeza avuga ko bishingiye ku biganiro yagiranye n'abohereza rwihishwa abimukira mu Burayi bakoresheje amato mu duce twa Afurika ya ruguru tugenzurwa n'umutwe wa Leta ya Kiyisilamu.