FIFA: Blatter yafashe icyemezo cyo kwegura

Sepp Blatter Uwufise ububasha kw’isanamu AFP
Image caption Sepp Blatter

Umukuru w'ishyirahamwe ry'umupira w'amaguru kw'isi FIFA, bwana Sepp Blatter, yavuze ko agiye kwegura k'ubuyobozi bw'iryo shyirahamwe.

Bwana Blatter ibyo yabivugiye mu kiganiro yahaye abanyamakuru i Zurich, hashize iminsi 6 gusa, ishami ry'Amerika rishinzwe iperereza FBI ritaye muri yombi abakozi benshi ba FIFA.

Bwana Blatter yavuze ko hazaba inama idasanzwe izatora uzamusimbura.

Hashize iminsi 4 Sepp Blatter yongeye gutorerwa kuyobora FIFA ku nshuro ya gatanu.

Ariko bwana Blatter yavuze ko itorwa rye ritashyigikiwe n'abantu bose.

Umuvugizi wa FIFA, Domenico Scala yavuze ko itorwa ry'uzasimbura Blatter rizaba hagati y'ukwezi kwa 12 k'uyu mwaka n'ukwa 3 k'umwaka utaha.

Umukuru w'ishyirahamwe ry'umupira w'amaguru mu Burundi, Reverien Ndikuriyo, yavuze ko u Burundi bushima ibikorwa Sepp Blatter yakoze mu Burundi bigateza imbere umupira w'amaguru, ko ari nayo mpamvu bamushyigikiye mu matora ashize.

Bwana Reverien yavuze ko ari nayo mpamvu bamwandikiye ibaruwa yo ku mukeza, bamubwira ko bamushyigikiye mu mabanga atorewe.

Ndikuriyo kandi yavuze ko nubwo Blatter asezeye, amasezerano yagize mw'izina rya FIFA ku Burundi azakomeza.

Sepp Blatter ufite imyaka 79 y'amavuko yaramaze ibiringo 4 ayobora iryo shyirahamwe rya FIFA.