Kenya: Al Shabaab yongeye kugaba ibitero

Abayisilamu b'i Lamu
Image caption Abayisilamu b'i Lamu

Umutwe wa kiyisilamu wa Al Shabaab wagabye igitero ku kigo cya gisirikare cya Kenya kiri muri karere ka Lamu kari ku nkengero y'inyanja.

Abasirikare ba Kenya 2 n'izo nyeshyamba 11 baguye muri icyo gitero.

Izo nyeshyamba za Al Shabaab zo muri Somalia ngo zanateye kandi ikigo cy'ubuvuzi hamwe n'ishuri.

Zanategetse abantu bari mu musigiti basenga kwumva ubutumwa bwabo bigisha. Umutwe wa Al Shabaab uravuga ko wagabye ibitero 4 muri Kenya muri aya masaha 24 ashize.

Bibiri ku nkengero z'inyanja na bibiri mu majyaruguru y'uburasirazuba.

Uyu mutwe usanzwe ufite ibirindiro muri Somalia ukunze kugaba ibitero muri Kenya.