Neymar ntagikomeje muri Copa America

Bresil yari yakinnye na Colombia muri irushanwa rya Copa America. Uwufise ububasha kw’isanamu Getty
Image caption Bresil yari yakinnye na Colombia mu irushanwa rya Copa America.

Rutahizamu w'ikipe ya Bresil, Neymar, ntazakina imikino isigaye y'irushanwa cy'igikombe cya Amerika yepfo - Copa America. Ibi bije bikurikira igihano yahawe cyo kudakina imikino ine ikurikira muri iryo rushanwa.

Yahawe ikarita itukura kubera guhangana n'abakinnyi ba Colombia bamaze gutsinda Bresil igitego kimwe ku busa. Yari yabanje guhanishwa kudakina umukino umwe.

Icyo gihano cyari gutuma adakina gusa umukino wa nyuma w'itsinda ugomba guhuza Bresil na Venezuela ku cyumweru.

Ariko impuzamashyirahamwe y'umupira w'amaguru muri Amerika yepfo imaze kongera kubyiga neza yahise yongera igihano.

Neymar yahawe ikarita itukura amaze gutera umupira umukinnyi wa Colombia, Pablo Armero, kubera umujinya ifirimbi ya nyuma ikimara kuvuga.

Yanabonetse kandi asa nushaka gukubita umutwe undi mukinnyi wa Colombia wari uje amugana ngo bahangane.

Ibinyamakuru byo muri Bresil biravuga ko yanahanganye n'umusifuzi mbere yo gusubira mu rwambariro.