Karake yemerewe kuburana ari hanze

Karake yavuze ko azahangana n'imanza zo kumwohereza muri Espagne.
Image caption Karake yavuze ko azahangana n'imanza zo kumwohereza muri Espagne.

Umukuru w'urwego rushinzwe iperereza mu Rwanda yagejejwe imbere y'urukiko rw'i Londres mu Bwongereza nyuma yo gutabwa muri yombi ku wa gatandatu bisabwe n'ubucamanza bwo muri Espagne bumushinja ibyaha by'intambara.

Urukiko rwemereye Lt Gen Karenzi Karake kuburana ari hanze ariko rumusaba gutanga ingwate y'amafaranga miliyoni 1 y'amapawundi akoreshwa mu Bwongereza angana na miliyoni $1.6 z'amadolari.

Rwanamutegetse kwitaba igipolisi buri munsi.

Bwana Karenzi yavuze ko azahangana n'imanza zo kumwohereza muri Espagne.