Petr Cech agiye kujya muri Arsenal

Petr Cech yari amaze imyaka 11 muri Chelsea. Uwufise ububasha kw’isanamu Getty
Image caption Petr Cech yari amaze imyaka 11 muri Chelsea.

Umunyezamu w'ikipe ya Chelsea Petr Cech uyu munsi arasuzumwa n'abaganga mbere kwemerwa nk'umukinnyi wa Arsenal.

Chelsea na Arsenal yumvikanye ku mafaranga azatangwa kuri uyu mukinnyi w'imyaka 33.

Cech ukomoka muri Repubulika ya Czech niwe mukinnyi wa mbere Arsenal iraba iguze mbere yuko shampiyona nshya itangira.

Umubirigi Thibaut Courtois niwe wajyaga mu izamu bwa mbere muri Chelsea umwaka ushize maze bituma Cech - wari usigaranye umwaka umwe ku masezerano ye n'iyo kipe - atangira gushaka ahanda yajya.

Yakinnye gusa inshuro 16 muri shampiyona ishize kandi yari amaze muri Chelsea imyaka 11.

Yakiniye iyi kipe inshuro zirenga 300 kandi atsindira ibikombe bine bya shampiyona, bine by'igikombe cya FA, igikombe cy'Uburayi n'igikombe cya Europa.

Yaje muri Chelsea avuye muri Rennes muri 2004. Arsenal yo muri shampiyona ishize yagiye isimburanya abazamu Wojciech Szczesny na David Ospina.