Somalia: Al Shabaab yivuganye abasirikare 10

Igitero cya Al Shabaab
Image caption Igitero cya Al Shabaab

Amakuru aturuka mu majyepfo ya Somalia aravuga ko umutwe w'intagondwa za kiyisilamu wa Al Shabaab wagabye igitero ku kigo cya gisirikare, wica abasirikare icumi.

Ababibonye bavuga ko habaye imirwano ikaze hafi y'ikigo cya gisirikare kiri ku cyambu cya Kismayo.

Umutwe wa Al Shabaab wongereje ibitero ku ngabo za Somalia n'iz'umuryango w'ubumwe bw'Afrika mu gihe cy'igifungo cy'abayisilamu cya Ramadani.

Abatuye mu ntara ya Lower Shabelle iri mu majyepfo y'igihugu bavuze ko ingabo z'umuryango w'ubumwe bw'Afrika zakuye ibirindiro byazo bimwe muri ako gace. Ntacyo ingabo z'umuryango w'ubumwe bw'Afrika zari zabivugaho.