Ibyemezo bya Amerika ngo bifasha Boko Haram

Perezida Buhari yahuye na Perezida Obama muri kino cyumweru. Uwufise ububasha kw’isanamu mark knoller
Image caption Perezida Buhari yahuye na Perezida Obama muri kino cyumweru.

Perezida wa Nigeria Muhammadu Buhari aravuga ko Leta zunze ubumwe za Amerika zashyigikiye umutwe wa Boko Haram kubera kwanga guha intwaro ingabo za leta ya Nigeria.

Amategeko yo muri Amerika abuza leta guha imfashanyo ya gisirikare ingabo zo mu kindi gihugu mu gihe hari ibimenyetso byizewe bizishinja ibyaha bibangamiye uburenganzira bw'ikiremwamuntu.

Perezida Buhari avuga ko leta ya Amerika irimo kugendera ku byaha bidafite gihamya.

Umukuru wa Nigeria yahuye na Perezida Barack Obama ku wa mbere wa kino cyumweru igihe yari yagiye muri Amerika gusaba ubundi bufasha.