19 bahitanywe n'igisasu muri Cameroon

Ingabo za Cameroon ziri mu gikorwa cyo gufasha Nigeria kurwanya Boko Haram. Uwufise ububasha kw’isanamu AFP
Image caption Ingabo za Cameroon ziri mu gikorwa cyo gufasha Nigeria kurwanya Boko Haram.

Abantu byibura 19 baguye mu gitero cy'igisasu cyagabwe mu kabiri karimo abantu benshi mu majyaruguru ya Cameroon.

Iki ni igitero cya kabiri gihitanye abantu mu gihe cy'iminsi ine mu mujyi wa Maroua.

Kuwa gatatu, igitero cy'abiyahuzi cyahitanye abantu 13 mu isoko riri muri uwo mujyi.

Nta mutwe wari wavuga ko uri inyuma w'ibyo bitero ariko abategetsi baratunga agatoki umutwe wa Boko Haram wo muri Nigeria.

Uyu mutwe umaze igihe wibasiye igihugu cya Cameroon kuva aho ingabo zacyo zifatanyirije n'izindi zo mu karere mu kuwurwanya.