DRC: G7 igiye guhangana na leta

Kuwa kabiri mitingi y'abatavuga rumwe na leta yabayemo urugomo. Uwufise ububasha kw’isanamu
Image caption Kuwa kabiri mitingi y'abatavuga rumwe na leta yabayemo urugomo.

Ishyirahamwe ry'amashyaka arindwi rizwi nka G7 ryari risanzwe mu leta muri Repubulika iharanira demokarasi ya Congo ryatangaje ko ubu rigiye guhangana na leta nyuma yaho umukuru w'igihugu yirukaniye muri guverinoma bamwe mu bagize G7 kuwa gatatu.

Bazize kuba barandikiye Perezida Joseph Kabila bamubuza kuguma ku butegetsi manda ye nirangira mu mpera z'umwaka utaha.

Mu kiganiro n'abanyamakuru i Kinshasa kuri uyu wa kane iryo shyirahamwe riravuga ko mu minsi iri mbere rizatangaza imigambi rizagenderaho.

Itegeko nshinga riteganya ko manda ya kabiri ya Perezida Joseph Kabila izarangira mu mwaka utaha ariko we yanze kuvuga niba atazongera kwiyamamaza.

Abakuru b'ishyirahamwe ry'amashyaka rizwi nka G7 ryamuburiye ko kutubahiriza itegeko nshinga byabangamira umutekano w'igihugu.

Kuwa kabiri, habaye ibikorwa byo gukozanyaho birimo urugomo muri mitingi y'abatavuga rumwe na leta bamaganaga icyo babona nk'umugambi wa Perezida Kabila wo gushaka kwiyamamariza kuyobora igihugu ku nshuro ya gatatu.