Abahitanwa na malaria baragabanutse

Muri Afurika yo munsi y'ubutayu bwa Sahara malaria irahari cyane. Uwufise ububasha kw’isanamu Thinkstock
Image caption Muri Afurika yo munsi y'ubutayu bwa Sahara malaria irahari cyane.

Amashami ya ONU aravuga ko umubare w'abantu bicwa n'indwara ya malaria hirya no hino ku isi wagabanutseho 60% mu myaka 15 ishize.

Aravuga ko iyo ari imwe mu ntambwe zatewe zishimishije mu kwita ku buzima bw'abantu.

Ishami rya ONU ryita ku buzima, OMS, n'iryita ku bana, UNICEF, aravuga ko ubuzima bw'abantu barenga miliyoni 6, biganjemo abana, bakize malaria kubera uburyo bwiza bwo kuyisuzuma, kuyivura n'itangwa ry'inzitiramibu.

Ariko rero ONU iraburira abantu ko malaria ikomeje kuba ikibazo gikomeye mu turere tumwe, cyane cyane muri Afurika iri munsi y'ubutayu bwa Sahara ahamaze kuboneka muri uyu mwaka bitatu bya kane by'abanduye malaria n'abo yahitanye.