Burkina: Abantu bagera ku icumi bishwe

Uwufise ububasha kw’isanamu REUTERS
Image caption Guhirika ubutegetsi byateye imyigaragambyo mu murwa mukuru Ouagadougou no mu yindi mijyi

Abakora mu bitaro muri Burkina Faso baravuga ko abantu bagera ku 10 bishwe, abarenga ijana bagakomereka.

Abapfuye bishwe mu gihe cy’imyigaragambyo yamagara ihirika ry’ubutegetsi ryakozwe n’igisirikare ku wa Kane.

Benshi bafite ibikomere by’amasasu. Abarinda umukuru w’igihugu bamaze igihe barasa mu kirere mu gutatanya ikivunge cy’abantu bigaragambya.

Abigaragambya bashyizeho amabariyeri mu murwa mukuru Ouagadougou no mu yindi mijyi.

Jenerali Gilbert Diendere wayoboye ihirika ry’ubutegetsi, aravuga ko azaha ubutegetsi abasivile vuba.

Uwufise ububasha kw’isanamu AFP
Image caption Ihirika ry'ubutegetsi ryateye imyigaragambyo mu gihugu

Aba perezida ba Senegali na Benin bamaze iminsi ibiri muri Burkina Faso, bagerageza kuganira ku buryo barangiza aya majye.

Jenerali Gilbert Diendere yabwiye BBC ko hazaba amatora, ariko ko ashobora kutaba ku itariki yari ateganyijweho mu kwa Cumi.

Umuryango wa w’Ubumwe bwa Afrika wahagaritse Burkina Faso kandi uvuga ko uzashyiraho ibihano niba abagize guverinoma y’agateganyo bafashwe, badafunguwe.

Leta Zunze Ubumwe za Amerika ivuga ko abahiritse ubutegetsi bakwiye kujya ku ruhande.