Afonso Dhlakama ngo yongeye kurusimbuka

Afonso Dhlakama aratunga agatoki leta. Uwufise ububasha kw’isanamu AFP
Image caption Afonso Dhlakama aratunga agatoki leta.

Umukuru w'ishyaka rikomeye mu yatavuga rumwe na leta muri Mozambique, Afonso Dhlakama, aravuga ku nshuro ya kabiri mu byumweru bibiri yongeye kurusimbuka.

Yatangaje ko imodoka zari zimuherekeje zagabweho igitero igihe zarimo zerekeza mu ntara ya Nampula iri mu majyaruguru y'igihugu.

Igipolisi gishinja ishyaka rye rya Renamo kuba ari ryo nyirabayazana ngo kubera ko abarinzi baryo barashe kuri minibisi maze abantu benshi barapfa.

Renamo ishyira kuri leta ibyo bitero bigabwa ku modoka ziherekeza Afonso Dhlakama.