Burundi: Abantu 8 biciwe i Bujumbura

Ubwicanyi i Bujumbura
Image caption Ubwicanyi i Bujumbura

Abantu bagera k'umunani biciwe mu murwa mukuru wa Bujumbura mu Burundi umaze amezi urangwamo imvururu kuva aho Prezida Pierre Nkurunziza afatiye icyemezo cyo kwongera kwiyamamaza mu kwezi kwa kane ku nshuro ya gatatu.

Umunyamakuru wa BBC uri i Bujumbara aravuga ko yabonye imirambo iri mu mihanda yo mu majyaruguru y'uwo mujyi.

Yavuze ko bamwe barashwe mu mutwe abandi baboshywe mbere yo kwicwa.

Igipolisi kiravuga ko ari abicanyi babikoze nubwo icyo gice cy'amajyaruguru kiganjemo abantu barwanya ubutegetsi.