Gutera Irak byaba byarahaye ingufu IS?

Ubwongereza bwafatanije na Amerika mu ntambara ya Irak. Uwufise ububasha kw’isanamu AFP
Image caption Ubwongereza bwafatanije na Amerika mu ntambara ya Irak.

Tony Blair - wigeze kuba ministri w'intebe w'Ubwongereza - yiyemereye ko harimo ukuri muri bimwe mu bivugwa ko gutera igihugu cya Irak byatumye umutwe wa Leta ya Kiyislamu - IS- ugira ingufu.

Ariko mu kiganiro yagiranye na televiziyo y'abanyamerika - CNN - Tony Blair yashyigikiye ashimitse icyemezo yafashe cyo kwifatanya na Leta zunze ubumwe za Amerika muri iyo ntambara yo muri Irak yatangiye hashize imyaka 12.

Yavuze ashimitse ko bikomeye kugirango umuntu asabire imbabazi zo kuba Saddam Hussein yaravanywe ku butegetsi.

Ibi Blair abivuze mbere y'iminsi mike ngo hatangazwe igihe hazarangira iperereza ryo mu ruhame rimaze igihe rikorerwa mu Bwongereza kuri iyo ntambara.