Umutoza wa Aston Villa yirukanywe

Tim Sherwood yari amaze mu kazi amezi umunani. Uwufise ububasha kw’isanamu Getty
Image caption Tim Sherwood yari amaze mu kazi amezi umunani.

Tim Sherwood - umutoza w'ikipe yo mu Bwongereza ya Aston Villa yirukanywe nyuma y'amezi 8 mu kazi.

Villa iri ku mwanya wa 19 ku rutonde rwa shampiyona nyuma yo gutsindwa 2-1 na Swansea kuwa gatandatu.

Ikaba yari inshuro ya gatandatu yikurikiranye iyi kipe itsindwa. Itangazo iyo kipe yasohoye riravuga ko kubera ko nta musaruro ugaragara wabonekaga mu kipe byabaye ngombwa haba impinduka.

David Moyes wigeze kuba umutoza wa Everton ari mubo bivugwa ko ashobora kumusimbura.

Sherwood wabaye umutoza wa Aston Villa mu kwezi kwa kabiri asimbuye Paul Lambert yagejeje Aston Villa ku mukino wa nyuma w'igikombe cya FA hanyuma n'ikipe ye irangiza shampiyona ishize iri ku mwanya wa 17.

Kuva iyi shampiyona yatangira Villa nta kipe nimwe yari yatsinda.