Ingendo z'indege mu Misiri zagabanijwe

Image caption Indege y'Uburusiya

Umubare w'ibihugu byafashee ibyemezo ku ngendo z'indege zijya i Sharm-el-Sheikh mu Misiri ukomeje kwiyongera nyuma y'indege y'Uburusiya yaguye ku wagatandatu igahitana abantu bose yari itwaye.

Ubufaransa bwatanze inama yo kugabanya ingendo z'indege zijya muri ako karere, Ubuholandi n'Ubudage bwahagaritse izo ngendo by'agateganyo.

Ubwongereza buremera ko iyo ndege ishobora kuba yarahanuwe n'igisasu, naho Amerika iravuga ko ifite amakuru yemeze ko ibyo bishoboka.

Uburusiya bwatanze igitekerezo cyo kubyitondera, bwaneguye Ubwongereza kubera ko budasangira amakuru y'iperereza bufite.

Perezida Abdel Attah al-Sisi wa Misiri yavuze Ubwongereza na Misiri byiteguye gufatanya mu gushimangira umutekano ku bibuga by'indege.