Bujumbura: Abantu 9 bishwe bari mu kabari

Uwufise ububasha kw’isanamu bb
Image caption Abantu bahunga muri " quartier " ya Mutakura

Abantu bitwaje intwaro bishe abantu 9 mu ijoro ryakeye bari mu kabari muri komini Kanyosha mu mujyi wa Bujumbura.

Abanyamakuru bacu baravuga ko icyo gitero cyagabwe ku kabari " Au Coin des amis" muri komini Kanyosha.

Umwe mu barokotse muri icyo gitero ariko nawe wakomeretse ku kaguru,yabwiye BBC ko abateye bari bambaye umwambaro wa polisi y'u Burundi.

Yavuze ko babategetse kuryama hasi maze barabasaka, babaka amaterefone ngendanwa n'amafaranga, nyuma yaho barabarasa.

Ayo makuru aremezwa n'umuyobozi wa komini Kanyosha Jean-Bosco Girukwishaka.

Girukwishaka yavuze ko batangiye gukora iperereza.