Myanmar: Amatora ya 1 ya demokarasi mu myaka 50.

Uwufise ububasha kw’isanamu AFP
Image caption Amata rusange muri Myanmar

Mu gihugu cya Myanmar batangiye amatora ashobora gukuraho leta yari ishyigikiwe n'igisirikare yari imaze imyaka irenga 50 itegeka.

Imirongo miremire y'abantu batora iri imbere y'aho batorera, abantu barenga miliyoni 30 nibo biyandikishije gutora.

Bamwe mu baturage bagaragaje ibyishimo by'uko bashoboye gutora muri demokarasi mu gihe cy'imyaka 25.

Ishyaka ritavuga rumwe na leta, National League for Democracy, riyobowe na Aung San Suu Kyi, niryo rishobora kwegukana intebe nyinshi mu nteko nshinga mategeko, ariko rikeneye nibura bibiri bya gatatu by'intebe kugira ngo rishobore gufata umwanya w'umukuru w'igihugu.

Kimwe cya gatatu cy'intebe muri iyo nteko kigenewe igisirikare.

Imiryango iharanira uburenganzira bw'ikiremwa muntu iravuga ko ayo matora arimo amakosa, abayisilamu babarirwa mu bihumbi byinshi ntabwo bafite uburenganzira bwo gutora.