Muri Nigeria baribuka Ken Saro Wiwa

Ken Saro Wiwa yari impirimbanyi irengera ibidukikije.
Image caption Ken Saro Wiwa yari impirimbanyi irengera ibidukikije.

Muri Nigeria baribuka imyaka 20 ishize Ken Saro Wiwa yishwe anyonzwe.

Uyu mugabo yari impirimbanyi yita ku bidukikije akaba n'umwanditsi.

We hamwe n'abandi bantu 8 barishwe nyuma y'igikorwa cyabo cyo amasosiyete acukura kandi akanacuruza peteroli yahumanyaga ibidukikije muri Ogoniland mu karere ka Niger Delta.

Amahanga yamaganye cyane icyo gihe iyicwa ryabo ku buryo byatumye Nigeria yirukanwa mu muryango winganjemo ibihugu byahoze bikolonijwe n'Ubwongereza wa Commonwealth.

Mu cyumweru gishize, umuryango uharanira uburenganzira bw'ikiremwantu ku isi, Amnesty International, washinje isosiyete icukura kandi ikanacuruza peteroli - Shell - kuba yarananiwe gusukura ahantu handujwe na peteroli yayo yamenetse muri ako karere.

Shell ariko ibyo yarabihakanye.