Igitero cy'aba Kurde kuri Sinjar

Aba Yazidi benshi barahunze IS imaze gufata umujyi wa Sinjar. Uwufise ububasha kw’isanamu Reuters
Image caption Aba Yazidi benshi barahunze IS imaze gufata umujyi wa Sinjar.

Ingabo z'abakurude mu majyaruguru ya Irak zagabye igitero gikomeye ku mujyi wa Sinjar, hafi y'umupaka wa Syria, muri gahunda yo kugerageza kuwambura inyeshyamba zo mu mutwe wa Leta ya Kiyislamu.

Iki gitero cyatangiye mu rukerera rwo kuri uyu wa kane cyarimo n'ibitero by'indege z'intambara z'ibihugu byiyemeje kurwanya uwo mutwe.

Abasirikare b'abakurude babarirwa mu bihumbi baje bakurikira ibyo bitero bakoresha ibisasu bya roketi.

Sinjar ni umwe mu mijyi ikomeye cyane ingabo z'aba Kurde zatakaje.

Wigaruriwe n'umutwe wa Leta ya Kiyislamu (IS) mu kwezi kwa munani.

Icyo gihe IS yahise yirara muri banyamuke b'aba Yazidi maze itangira kubica nabi, kubagira abacakara no kubasambanya ku ngufu.

Aba Yazidi babarirwa mu bihumbi mirongo bahise bahunga.