Paris: Umwe mu bagabye ibitero ubu arazwi

Uwufise ububasha kw’isanamu epa
Image caption Umutekano wakajijwe nyuma y'ibitero byagabwe i Paris

Umwe mu biyahuzi barindwi bagize uruhare mu bitero byibasiye umujyi wa Paris yatahuwe nka Omar Ismail Mostefai.

Ni Umufaransa wari usanzwe azwi na polisi nk’umuhezanguni wa kiyisilamu.

Uyu musore w’imyaka 29 yamenyekanye kubera urutoki rwavumbuwe ahabere aya mahano y’ibitero by’ubwicanyi.

Uwufise ububasha kw’isanamu EPA
Image caption Umushinjacyaha Francois Molins: " Tugomba kumenya aho baje bava...n'uwabateye inkunga"

Amakuru aravuga ko polisi iri gusuzuma niba yarigeze atemberera muri Siriya.

Umutwe wa kiyisilamu wa Islamic State wavuze ko uri inyuma y’ibi bitero byagabwe ku wa Gatanu, byishe abantu bagera ku 129.

Uwufise ububasha kw’isanamu Getty
Image caption Uyu mugore arasengera abahitanywe n'ibitero aho abandi benshi bazanye indabo

Abashinjacyaha bavuga ko abicanyi bari bafite imbunda zo mu bwoko bwa karacinikovu (AK47) ndetse n’imikandara iriho ibisasu bya bombe, bari biteguye neza kandi bigabanya mu matsinda atatu.

Uwufise ububasha kw’isanamu EPA
Image caption Abantu benshi bitabiriye ijoro ryo kwibuka abaguye i Paris, bateraniye mu izingiro rya, Trafalgar Square, i Londres.

'Abakekwa batawe muri yombi'

Hagati aho, Polisi mu Bubiligi yataye muri yombi abagabo batatu bafitanye isano n’ibitero by’i Paris.

Minisiteri y’ubutabera yavuze ko abafatiwe I Buruseli bafitanye isano n’imodoka yakodesherejwe mu Bubiligi iza kubonwa hafi y’inzu yaberagamo igitaramo i Paris aho ubwicanyi bukomeye bwabereye.

Uwufise ububasha kw’isanamu AP
Image caption Abapolisi barinze umuhanda i Buruseli

Guverinoma y’Ubugereki yavuze ko hari urupapuro mpuzamahanga rw’inzira bita pasiporo, rwatangiwe muri Siriya rwavumbuwe hafi y’umurambo w’umwe mu barashi bagabye ibitero i Paris.

Uwufise ububasha kw’isanamu Getty
Image caption Umugore wishyizeho ibendera ry'Ubufaransa watewe intimba n'ibitero. Aribuka abapfuye ari i Martin Place, muri Ostraliya.

Iyo pasiporo yanyuze ku kirwa cya Leros, hafi y’icyambu cya Turukiya mu kwezi gushize kwa Cumi.

Impunzi n’abimukira barenga ibihumbi 500 bamaze kwambuka bava muri Turukiya bajya mu Bugereki muri uyu mwaka, benshi ni abanya Siriya.

Iby'ingenzi bizwi

Umuntu umwe yamenyekanye nk’Umufaransa witwa Omar Ismail Mostefai

  • . Ibitero byagabwe n’abantu nibura 7 bigabanyije mu matsinda atatu

  • . Havumbuwe Pasiporo yanyuze ku mupaka w’Ubugereki mu kwa Cumi

  • . Abishwe: 129

  • . Abakomeretse: 352; Abakomeretse bikabije:99

  • . Umutwe wa Islamic State wigambye ibitero mu itangazo ryawo

Ibindi kuri iyi nkuru