Afurika: Ubushinwa bwongereye ubufatanye

Xi Jinping Uwufise ububasha kw’isanamu AFP
Image caption Xi Jinping muri Afurika yepfo

Umukuru w'Ubushinwa Xi Jinping yatangaje umugambi wo gufasha iterambere muri Afurika ufite akayabo k'amadolari y'Amerika agera kuri miliyaridi 60.

Mu nama ibera i Jouhannesburg yagiranye n'abakuru b'ibihugu byo muri Afurika, bwana Xi ayo mafaranga azafasha mu migambi 10 ikomeye yo guteza imbere ibice by'ubuhinzi, ibikorwa remezo n'ubuvuzi.

Muri iyo migambi, Ubushinwa buzahagarika amwe mu madeni bwahaye ibihugu byo muri Afurika biza inyuma mu nzira y'amajyambere, bunemera gutanga inguzanyo zitagira inyungu.

Mu myaka ishize, Ubushinwa bwacuze umubano n'ibihugu by'Afurika kandi ibi bitangajwe no mu gihe ubukungu bw'Ubushinwa buri kugenda biguru ntege.

Uwufise ububasha kw’isanamu Xinhua
Image caption Xi Jinping na Jacob Zuma

Umukuru w'Afurika yepfo, Jacob Zuma yishimiye cyane ubufatanye umugabane w'Afurika ufitanye n'Ubushinwa.

Avuga ko umugabane w'Afurika n'Ubushinwa bigize kimwe cya gatatu cy'abaturiye isi yose, ko rero ibyo bizanye ubundi bushobozi bwo kwagura amasoko mashya.

Ariko imbogamizi ikomeye uyu mugabane w'Afurika uri guhura nayo, ni urubyiruko rudafite akazi n'abayobozi bari gushyirwaho igitutu kugirango bahange imirimo itanga utuzi.

Ubushinwa ni cyo gihugu cyambere mu buhahirane n'afrika, gusa ishoramari ry'icyo gihugu ryaragabanutse kugeza kuri 40% mu mezi atandatu ya mbere y'uyu mwaka.