Urubanza rwa Col Byabagamba mu mizi

Col Byabagambya aregwa ibyaha bine. Uwufise ububasha kw’isanamu bb
Image caption Col Byabagambya aregwa ibyaha bine.

Col Tom Byabagamba wahoze akuriye umutwe w'abarinda umukuru w'igihugu yatangiye kuburana mu mizi ibyaha 4 aregwa.

Col Byabagamba yaje mu rukiko mu mwambaro wa gisirikare nkuko bisanzwe.

Ubushinjacyaha bwareze Col Byabagamba ibyaha bine birimo kwangisha abaturage ubutegetsi ndetse no gusuzugura ibendera ry'igihugu.

Ubushinjacyaha buvuga ko bufite ubuhamya bw'abasirikare bemeza ko babwiwe n'uregwa amagambo anenga ubutegetsi.

Col Byabagamba wasubizaga mu ijwi ryumvikanamo uburakari n'ikiniga yahakanye ibyaha byose aregwa avuga ko byahimbwe n'ubushinjacyaha.

Ibi byatumye aregwa gukoresha imvugo isuzugura ubushinjacyaha ndetse n'urukiko rumutegeka kutabisubira.

Gusa impaka zo ntizahagaze kuko ku ruhande rumwe, Byabagamba yasabaga kumenya rubanda bivugwa ko yangishije ubutegetsi mu gihe ibimenyetso by'ubushinjacyaha bishingira ku musirikare umwe uvuga ko baganiriye.

Ubushinjacyaha bwo buvuga ashobora guhura n'umuntu umwe umwe ariko agahura ba benshi cyangwa bagahura inshuro nyinshi.

.