Ghana: Abacamanza birukanywe kubera ruswa

Image caption Umunyamakuru, Anas Aremeyaw Anas (ibumoso) wiyoberanyije, yafotoye yihishe

Abacamanza 20 bo muri Ghana birukanywe ku mirimo nyuma yo guhamywa icyaha cya ruswa.

Umucamanda mukuru, Georgina Theodora Wood, yavuze ko iyirukanwa ryabo rikurikiye iperereza ryimbitse ryakozwe ku byaha bya ruswa mu bucamanza.

Mu kwezi kwa Munani, umunyamakuru yatangaje ko yari afite ibimenyetso byerekana abacamanza baka ruswa ndetse n’imibonano mpuzabitsina kugira ngo bace imanza zabo mu rukiko.

Ibi byumije abanua Ghana bakubise buzura ibyumba bya sinema kureba filime y’amashusho yari yafashwe n’uwo munyamakuru.

Mu gutangaza iyirukanwa ry’abo, umucamanza mukuru yavuze ko yashakaga kwizeza rubanda ko inama y’ubucamanza, urwego rugenzura abacamanza, bizafata ingamba zikarishye mu kugarura isura y’ubucamanza.

Uwufise ububasha kw’isanamu Getty
Image caption Umucamanza mukuru Georgina Theodora Wood

Umunyamabanga w’akanama k’ubucamanza, Alex Poku Acheampong, yavuze ko bamwe mu bacamanza birukanywe bambuwe n’ibigenerwa abakozi.

Cyakora, ibigenerwa abandi bakozi byagumyeho, nyuma y’uko berekaniye kwicuza kandi bagasaba imbabazi zo kwanduza isura y’ubucamanza.

Umunyamakuru wo muri Ghana Sammy Darko, avuga ko benshi mu banyagihugu bumva ko abacamanza borohewe cyane, ndetse barasaba ko bacibwa urubanza.

Abacamanza birukaywe ni abo mu nkiko nto, kanid bari barakozweho iperereza na komite yashyizweho n’umucamanza mukuru. Umucamanza umwe yahanaguweho ibyaha.

Iperereza rya kabiri ryibanda ku birego bisa n’ibi ku bacamanza 12 bo mu rukiko rukuru ntirirarangira. Mu kwezi kwa Munani, umunyamakuru ukora inkuru z’icukumbura Anas Aremeyaw yahaye umucamanza mukuru amashusho afite amasaha hafi 500 y’uburebure.

Ibindi kuri iyi nkuru