Mali: Hoteli Radisson Blue yongeye gufungura

Uwufise ububasha kw’isanamu Getty

Hoteli Radisson Blu yongeye gufungura, nyuma y’igihe kitageze ku kwezi igabweho igitero mu murwa mukuru Bamako.

Igitero cyto ku itariki ya 22 z’ukwa Cumi na Kumwe cyishe abantu 22 barimo na babiri mu bakigabye.

Umutwe wa jihadi uzwi ku izina rya Al Mourrabitoune wigambye kuba inyuma y’igitero.

Abakozi bamaze igihe bagerageza gusana iyi hoteli ihenze cyane no gusibanganya ikimenyetso cy’uko yatewe.

Uwufise ububasha kw’isanamu radisson blu hotel

Guverinoma ya Mali na ba ny’iri hoteli bashakaga gutanga ubutumwa ko igitero cyagabwe kuri hoteli kitabaca intege.

Impande zombi zakoreye hamwe mu gusana inzu no gushyiraho ingamba nshya z’umutekano imbere no hanze ya hoteli.

Mu gihe hoteli yongeye gufungura imiryango, umushinjacyaha yavuze ko abagabye igitero bashobora kuba ari Abasomali.

Kuva igitero cyo kuri hoteli Radisson Blue, umurwa mukuru wa Mali wagumye uri mu gishyika.

Uwufise ububasha kw’isanamu epa
Image caption Igitero cyagabwe kuri hoteli yari irimo abanyamahanga benshi

Imitwe y’abarwanyi iri kwiyongera mu majyepfo ya Mali, bituma igihugu cyose kiri mu mwuka w’igishyika.

Ku Cyumweru, abagabo bitwaje intwao bateye ibirindiro bya gisirikare mu mujyi wa Niono, mu gihugu rwa gati.

Umusirikare umwe yarakomeretse abandi babiri batacyaburiwe irengero.

Guverinoma yasezeranyije kongera ubushobozi bw’igisirikare.