DRC: Ubwiyongere bw'ubushimusi bukomeye

Uwufise ububasha kw’isanamu AFP

Human Rights Watch ivuga ko ubushimusi bwarazamutse bikomeye muri burasirazuba bwa Repubulika Iharanira Demokarasi ya Congo, aho abantu 175 bafashwe bugwate muri uyu mwaka.

Imitwe yitwaje intwaro yishe urubozo inakubita abafashwe bugwate inaka ingwate y’amafaranga ari hagati y’amadolari 200 na 30.000 n’ubwo umuryango uharanira uburenganzira bwa kiremwa muntu, Human Rights Watch, uvuga mu itangazo wasohoye, ko benshi batabawe nyuma y’uko imiryango yabo n’abakozi batangiye amafaranga macye.

HRW yongeyeho ko 20 mu bafashwe bugwate bari abanye Congo bavanze n’abanyamahanga bakorera imiryango ifasha.

Nibura abantu batatu bishwe n’ababafashe bugwate, mu gihe undi yarashwe mu gihe cyo kugerageza kumufata bugwate.

HRW ivuga ko undi akiburiwe irengero.

Yongeyeho iti: “Ubwiyongere bw’ishimuta buteye ubwoba buteye inkeke ku baturage bo mu burasirazuba bwa Congo.

Abategetsi ba Congo bagombye gushyiraho umutwe wa polisi udasanzwe wo gufasha abafashwe bugwate ugakora iperereza ukanata muri yombi abashimusi.”

HRW itangaza ko ku itariki ya 2 z’ukwezi kwa Cyenda, abashimusi bitwaje intwaro bafashe umukobwa w’umunyeshuri w’imyaka 27 I Goma bamujyana mu ishyamba ryitaruye aho yafungiwe hamwe n’abandi bari bafashwe bunyago.

Uwo munyeshyuri avugwa mu itangazo rya HRW agira ati:

“Igihe twabasabaga ibiryo, bahisemo umugabo muri twe bamuca umuhogo, baramwica.”

HRW ivuga ko yafunzwe iminsi icyenda afungurwa nyuma y’uko umuryango we utangiye ingwate yasabwe.