Arabia Saudite yahagaritse imibano na Iran

Abigaragambya muri Iran Uwufise ububasha kw’isanamu EPA
Image caption Abigaragambya muri Iran

Arabia Saudite yahagaritse imibano yayo na Iran kubera ubushyamirane butewe n'iyicwa ry'umuvugabutumwa w'umuShia wakatiwe igihano cy'urupfu n'ubutegetsi bw'i Riyadh, bwana Nimr al-Nimr.

Umushikiranganji w'imibano n'amahanga wa Arabia Saudite, Adel al-Jubeir yareze Iran gukwirakwiza ibirwanisho no gushyiraho imitwe y'iterabwoba mu karere.

Yavuze ko abakozi b'ibiro bihagarariye Iran muri Arabia Saudite bahawe amasaha 40 yo kuba bavuye mu gihugu.

Uwufise ububasha kw’isanamu EPA
Image caption Ibiro bihagarariye Arabia Saudite muri Iran

Abategetsi bo muri Iran baravuga ko kuva ejo abantu bari bafite uburakari bateye ibiro bihagarariye Arabia Saudite muri Iran. Abo bantu bari bababajwe n'iyicwa rya Nimr al-Nimr.

Muri Arabia Saudite naho ejo abantu bakoze imyigaragambyo mu mujyi wa Qatif uri mu burasirazuba bw'igihugu, nyuma yo gushyira mu ngiro igihano cy'urupfu k'umuvugabutumwa w'umushia, Nimr al-Nimr.

Nubwo ubutegetsi bwari bwanze guha uburanganzira abantu kwigaragambya, abantu barenga ijana bagiye mumihanda baririmba indirimbo zisabira urupfu umuryango w'ubwami bwo muri Arabia Saudite.

Iyicwa ry'uyu mugabo ryateye uburakari muri ba nyamuke b'abaShia baba muri Arabia Saudite.

Ubushikiranganji bw'ubutegetsi bw'igihugu bwavuze ko Nimr al-Nimr yari mu bantu 47 bishwe ejo nyuma yo gukatirwa igihano cy'urupfu kubera ibyaha by'iterabwoba.

BBC yamenye ko muri abo bantu bishwe ejo kuwa gatandatu harimo umugabo wari witwaje imbunda akica umugabo ufata amafoto wo muri Ireland, Simon Cumbers, mu 2004.

Uwo mugabo witwa Adel al-Dhubaiti yakatiwe mu 2004 amaze guhamwa n'icyaha cyo kugaba ibitero mu mutwe wa al-Qaeda.

Ariko ubutegetsi bwa Arabia Saudite cyangwa ubushikiranganji bw'imibano n'amahanga bwo muri Ireland ntiburemeza ayo makuru.

Bwana Cumbers yari yagiye mu kazi ari kumwe n'umunyamakuru wa BBC, Frank Gardner, wakomerekeye cyane muri icyo gitero.

Nimr al-Nimr yatawe muri yombi mu mwaka w'i 2012 amaze kunegura ubutegetsi bw'icyami bugizwe n'abaSunni.

Ariko abakunzi be bavuga ko atigeze ahamagarira abantu kuteza imvururu.

Iran, igihugu kitumvikana na Arabia Saudite, yahamagaje ejo umukozi w'ibiro biserukira Arabia Saudite i Tehran mu kwamagana icyo gikorwa.

Ubushikiranganji bw'imibano n'amahanga bwa Iran ejo bwavuze ko ingoma y'icyami y'abaSunni izaryozwa bikomeye icyo gikorwa.

Uwufise ububasha kw’isanamu AP
Image caption Ayatollah ali-Khamenei

Umukuru w'ikirenga wa Iran, Ayatollah Ali Khamenei, yahise yohereza ubutumwa bw'akababaro kuri tweeter buriho ifoto ya Nimr al-Nimr.

Muri Iraq, uwahoze ari umushikiranganji cya mbere, Nouri al-Maliki, yavuze ko urwo rupfu rugiye gutuma bahirika ubutegetsi bwa cyami bwo muri Arabia Saudite.

Muri Bahrain, igihugu gitegetswe n'abaSunni, abaShia bake bagize imyigaragambyo yamagana iyicwa rye.

Naho umutwe wa Hezbollah muri Libani uvuga ko iryo ari igandagurwa rya Nimr al-Nimr ngo kuko yari umuntu wasabaga uburenganzi bw'abaturage bahohoterwa.