Kenya: akurikiranywe kubera amafoto kuri WhatsApp

Uwufise ububasha kw’isanamu AP
Image caption Imirambo y'abasirikare ba Kenya itahukanwa mu gihugu.

Umugabo wo muri Kenya yashinzwe icyaha cyo gutangaza amafoto bivugwa ko ari ay'abasirikare ba Kenya bishwe mu cyumweru gishize n'umutwe wa al-Shabaab muri Somalia.

Eddy Reuben Illah yakanye ko yashyize ayo mafoto kuri WhattsApp.

Abashinjacyaha bavuga ko ayo mafoto yashobora gutera abantu ubwoba no kugira umutima uhagaze.

Abategesi mu mujyi wa Nairobi ntabwo bigeze batangaza umubare w'abasirikare ba Kenya baguye mu gitero umutwe wa al-Shabaab wagabye ku kigo cy'ingabo z'Umuryango w'ubumwe bwa Afurika hanze y'umujyi wa El-Adde kuwa gatanu ushize.

Al-Shabaab ivuga ko yishe abasirikare ba Kenya barenga ijana.