Miliyoni zirenga 2 z'abana bavuka bapfuye

Uwufise ububasha kw’isanamu Thinkstock

Ubushakashatsi bushya mu rwego rw'ubuzima burerekana ko hari impinja zigera kuri miliyoni ebyiri n'ibihumbi 600 zivuka zipfuye ku isi yose.

Bibiri bya gatatu byazo bari muri Afrika.

Mu cyegeranyo cyasohotse mu kinyamakuru "The lancet", abashakashatsi bo muri kaminuza ya London School of Hygiene and Tropical Medicine yo mu Bwongereza bavuga ko hakozwe bike mu kugabanya umubare w'izi mpfu n'ubwo inyinshi zishobora guhagarikwa.

Igitangaje cyane muri ubwo bushakatsi ni uko uko ibintu bimeze ubungubu byazatwara imyaka irenga 160 mbere yuko umugore usanzwe muri Afurika yo munsi y'ubutayu bwa Sahara agira amahirwe yo kubyara umwana muzima angana nkayo umugore wo mu bihugu bikize.

Ubwo bushakashatsi buvuga ko muri Afurika yo munsi y'ubutayu bwa Sahara abagore benshi babyara abana bapfuye baboneka mu byaro.

Igihugu cya Nigeria nicyo kiza ku isonga. Urwanda ruri mu bihugu byabashije kugabanya cyane umubare w'izo mpfu.

Abanditse icyo cyegeranyo bavuga ko hatewe intambwe igaragara mu gukingira ubuzima bw'umugore n'umwana ariko hirengangizwa ingamba zo kugabanya umubare w'abana bavuka bapfuye.