Jenerali Sejusa araregwa gusuzugura ubutegetsi

Image caption Jenerali David Sejusa

Jenerali David Sejusa, umumyapolitiki ukomeye utavuga rumwe na leta ya Uganda, yarezwe gusuzugura ubutegetsi hasigaye ibyumweru 3 amatora rusange abe muri Uganda.

Jenerali Sejusa yabwiye urukiko rwa gisirikare ko amatora arimo ubwigenge kandi aboneye ari cyo cyonyine cyacubya umwuka w'ubushyamirane uri mu gihugu.

Sejusa wahoze akuriye urwego rw'iperereza yari umuntu wa hafi wa perezida Yoweri Museveni.

Bashwanye nyuma y'uko ashinje Museveni gushinga politike imeze nk'ubwami kandi akaba ari gutegura umuhungu we kumusimbura ku butegetsi.

Bwana Museveni amaze imyaka irenga 30 ku butegetsi.

Ari kwiyamamaza kandi mu matora y'ukwezi gutaha.