Miliyari zirenga 10 zo gufasha abanyasiria

Uwufise ububasha kw’isanamu AFP

Abaterankunga biyemeje gutanga amafaranga arenga miliyari 10 z'amadolari yo gufasha abantu bavanywe mu byabo n'intambara muri Syria.

Ibi babyiyemereje mu nama mpuzamahanga kuri Syria yabereye i Londres mu Bwongereza kuri uyu wa kane.

Ministri w'intebe w'Ubwongereza, David Cameron, yavuze ko ari ubwa mbere mu munsi umwe abantu biyemeje gufashisha amafaranga angana kuriya.

Yavuze ko ayo mafaranga azashobora gutuma impunzi zumva ko atari ngombwa ko zishora mu nzira zishobora kuboneramo amakuba zijya gushaka ubuzima mu Burayi.

Abakuru ba Yorudaniya na Turikiya biyemeje ko bazakora ibishoboka byose kugira ngo impunzi zose n'abana bahungiye muri ibyo bihugu bashobore kwitabira gahunda z'uburezi nta nkomyi.